Қазақстан халқы қарқынды түрде қартайып барады. Ranking сарапшылары осындай шешімге келді, деп хабарлайды Алтайньюс тілшісі.

Елімізде 2014 жылы 65 жастан асқан тұрғындар халықтың 6,8 пайызына шақ келсе, 2018 жылдың соңында 7,5 пайызға жеткен. Сарапшылардың болжамы бойынша, 2050 жылға қарай елдегі қарт адамдардың саны екі есеге артады.

Бұл ретте Қазақстанда өмір сүру ұзақтығы арта түседі дейді мамандар. Мәселен, 2014 жылы еліміздегі өмір сүру ұзақтығы 71,44 жас болған. Ал 2018 жылдың соңында бұл көрсеткіш 73,15-ке жеткен екен.

Айта кетейік, өмір сүру ұзақтығының айтарлықтай өсуі, халықтың өмір сүру сапасының өсуімен байланысты.