ҚР Астраханьдағы Бас консулдығының қолдауымен Самара облысына ресми сапары аясында Шығыс Қазақстан облысының делегациясы Самара Ұлттық Зерттеу университетінің ұшқышсыз жүйелер орталығының жұмысымен танысты, деп хабарлайды Altaynews.kz тілшісі. 

Бұл орталық қашықтан ұшқышсыз ұшу аппараттарын басқаруды үйретеді. Алдағы уақытта Шығыс Қазақстан облысындағы жоғары оқу орындарында да осындай мамандықтар ашылуы мүмкін.

Оның айтуынша, бүгінде әртүрлі қызметтер үшін ҰҰА басқару бойынша мамандарды даярлау, сондай-ақ, оларға одан әрі техникалық қызмет көрсету мәселесі өзекті болып отыр. Осы мақсаттар үшін облыста мамандандырылған орталық құрылуы мүмкін.

Оның айтуынша, ШҚО жолаушылар көлігі және автомобиль жолдары басқармасы Самара пилотсыз жүйелер орталығымен одан әрі ынтымақтастық орнатуға мүдделі.

Самара облысына сапары барысында шығысқазақстандық делегация мүшелері ұшқышсыз ұшатын аппараттарды өндіру мен пайдалануға мамандандырылған ООО «Дельтатех» және ООО «Агримакс» компанияларының өкілдерімен де кездесті. Айжан Рахымбаева түсіндіргендей, кейінірек самаралық кәсіпкерлердің тәжірибесі зерттелетін болады.