Уральск  федералды университетінің өкілдері Өскемендегі Лев Гумилев атындағы №38 гимназияның көптілді және лингвистикалық дарындылықты қалыптастыру бойынша жұмыс тәжірибесімен танысты, деп хабарлайды Altainews.kz тілшісі.

Мектепке экскурсия барысында гимназия мұғалімдері сабақта және сабақтан тыс жұмыс арқылы қалыптасатын тілдік коммуникативтік құзыреттілік, қазақ, орыс, ағылшын және француз тілдеріндегі мектеп үйірмелерінің жұмысы, кіріктірілген сабақтар мен сыныптан тыс сабақтарды ұйымдастыру және өткізу жайлы баяндады.

Сондай-ақ қонақтар «Абайтану» кабинетін көрді. Гимназия оқушылары көрнекті ақын, ағартушы Абай Құнанбаевқа арналған көрмемен таныстырып, оның қанатты сөздерін, «қара сөздері» мен өлеңдерін оқыды.

Орыс тілі мен әдебиеті апталығына шолу жасаған оқушылар интеграцияланған сабақтар, жаңылтпаш айту челленджі, орыс әдебиеті классиктерінің шығармашылығын оқу қалай өтетінін айтып, «Тіл – халықтың жаны» ақпараттық стендін ұсынды.

 Айжанат Бақытқызы