AMANZHOLOV UNIVERSITY оқытушысы Гүлназ Садықанова «Coursera қазақ тілінде» жобасы аясында авторлық жұмысты орналастырған алғашқы қазақстандық ғалым, деп хабарлайды Altainews.kz тілшісі.

ҚР Ғылым және жоғары білім министрлігі ақпаратына сүйенсек, биология кафедрасының қауымдастырылған профессоры Гүлназ Садықанова «Coursera» платформасы үшін техникалық талаптар мен мазмұндық бөлік бойынша оң сараптамалық қорытындыларға ие болған «Эукариоттық жасушаның құрылымдық-функционалдық ұйымдастырылуы немесе жасушаға саяхат» онлайн-курсын таныстырды.

Жақын арада профессор Coursera Kazakhstan командасымен бірлесіп курс материалдарын Coursera әлемдік платформасына жүктей бастайды.

Гүлназ Садықанова «Coursera қазақ тілінде» жобасы аясында авторлық жұмысты орналастырған алғашқы қазақстандық ғалым атанбақ.

Айта кетейік, ШҚУ қызметкері «EdSmart Premium» интерактивті бейнежазбасының жаңа мультимедиялық студиясының арқасында сапалы ұсынған бейне курсын дайындай алды.

Цифрлық зертхана бейне-аудио жабдықтармен жабдықталған, бұл оқытушыларға заманауи әдістер мен құралдарды пайдалана отырып, Coursera платформасы үшін білім беру контенті мен курстарын дайындауға мүмкіндік береді.