«Саламатты Қазақстан» мамандандырылған медициналық пойызы тамыз айының 31-і күні ШҚО-ға Өскемен-1 станциясына келіп тоқтайды, деп хабарлайды Altainews.kz сайты.

Әрі қарай аталған медициналық пойыз облыстағы бірнеше станцияда тоқтап, тұрғындарға қабылдау жүргізеді.

Медициналық пойыздың тұрғындарды қабылдау кестесі:

Тишинка (31.09), Черемшанка (01.09), Өскемен-1 (Защита) (01.09), Алтай (02.09), Заводинка (04.09), Бұқтырма (06.09), Күмістау (08.09),Таусамалы (10.09), Өскемен-1 (11,09). Медициналық пойыз дәрігерлері өңір тұрғындарын таңғы сағат 09.00-ден кешкі 18.00-ге дейін қабылдайды. Түскі ас уақыты 13.00-14.00.

Дәрігерлік бригаданың құрамында терапевт, хирург, педиатр, психолог, невропатолог, ультрадыбыстық диагностика маманы, жалпы практика дәрігері, рентгенолог, кардиолог, стоматолог, офтальмолог, отоларинголог, онколог-маммолог, гинеколог және уролог медициналық көмек көрсетеді. Пойыз заманауи диагностикалық құралдармен, соңғы үлгідегі құрал-жабдықтармен қамтамасыз етілген.

Биылғы жаңашылдықтың бірі - мамандандырылған диагностикалық құралдар қатарына маммография аппараты қосылып отыр.