«Қазгидромет» ШҚ филиалының ақпараты бойынша 1-3 сәуір аралығында облыстың солтүстігінде, шығысында және оңтүстігінде жаңбыр түріндегі жауын-шашын күтіледі, деп хабарлайды Altainews.kz тілшісі.

Ауа температурасының көтерілуіне байланысты қар қарқынды еріп, өзендер мұздан тазарады. Мұз кептелістерінің пайда болуы ықтимал. Сонымен қатар, еріген қар суы мен беткейлік ағындар қалыптасып, өзендердегі су деңгейі көтерілуі мүмкін. 

ШҚО Төтенше жағдайлар департаменті азаматтарға келесі сақтық шараларын ұсынады:
- Арықтар мен бұлақтардың арналарын қоқыстан тазартып, судың ағуына кедергі жасамау қажет.  
- Үй аумағын қорғау үшін құм, топырақ, саз сияқты қолда бар материалдарды алдын ала дайындап қойған жөн.  

Төтенше жағдай туындаған жағдайда «112» нөміріне қоңырау шалыңыз.