80 пайызға жуық. ШҚО-да қазақ ұлтының үлес салмағы күрт көбейіп келеді
![](/kz/uploads/posts/iblock/971/9716b84ea6e2bdadc08b8150d59a0989.jpg)
Біздің облыста бала туу көрсеткіші бұрынғыдан артты. Табиғи өсім бар.
Ұлттық статистика департаментінің ақпараты бойынша, былтыр 22 543 нәресте дүниеге келді. 16 655 адам қайтыс болды. Яғни, табиғи өсім – 5 888 адам. Бұл алдыңғы жылдан 2,7% көп.
– Жаңа туған қазақтардың үлес салмағы – 77%, орыстар – 20%, немістер мен татарлар 1%-дан. Дүниеге келген нәрестелердің 51,8%-ы ұл, 48,2%-ы қыз. Жалпы облыста, биылғы есеп бойынша, 1 363 656 адам тіркелді, – дейді әлеуметтік және демографиялық статистика басқармасы басшысының міндетін атқарушы Ольга Манохина.
Оның айтуы бойынша, бала туу көрсеткіші Абай, Зайсан, Көкпекті, Ұлан және Шемонаиха аудандарында, алдыңғы жылмен салыстырғанда, төмендегені байқалды.
– Риддер қаласы, Глубокое, Шемонаиха және Алтай аудандарында халық саны табиғи кеміді. Басқа өңірлерде, соның ішінде жоғарыдағы бала туу көрсеткіші төмендеді деген аудандарда да, табиғи өсім бар, – дейді Манохина.
Оның айтуынша, қайтыс болғандар санының 52,7%-ы – ерлер, 47,3%-ы – әйелдер. Қайтыс болғандар арасында орыстардың үлесі 50%, қазақтар – 40%, татарлар – 1,8% және немістер – 1,6%.
Оқи отырыңыз