Риддер ЖЭО-да 3 қазандықты жөндеу жұмыстары аяқталды
Риддердегі жылу электр орталығындағы жөндеу жұмыстары белгіленген кестеге сәйкес жүргізіліп жатыр.
Бүгінгі таңда ондағы 3 қазандықты жөндеу жұмыстары аяқталды, деп хабарлайды Altaynews тілшісі.
- Орталықтағы 1, 2, 3 қазандық агрегаттары бойынша жұмыстар аяқталды. Жуып-тазалау үшін қазандықтан сумен толтырылды. Ол екі тәулікке дейін созылады. Қысым пайда болғаннан кейін қазандықтан жағыла бастайды, - дейді Риддер қаласының әкімі Дәулет Батырбаев.
Мердігер ұйым өкілдері жұмыстар жоспар бойынша уақытылы жүріп жатқанын атап өтті. «DM Energy» ЖШС-ның бас инженері Қайрат Досановтың айтуынша, дәнекерлеу жұмыстары аяқталып, бірінші қазандық толтырылған соң, гидравликалық сынақтар жүргізіледі.
- Алдымен үшінші қазандық агрегатын іске қосуға дайындап жатырмыз. Құбыр жүйесін монтаждау бойынша жұмыстар аяқталды. Мердігер болған соң біздің негізгі міндетіміз – қандай да бір кемшілік анықталған жағдайда оны жедел жою, – деді «Перспективті технологиялар» ЖШС бас инженері Александр Матвиенко.
Жөндеу жұмыстары толықтай аяқталған соң риддерліктердің үйлеріне жылу беріле бастайды.
Оқи отырыңыз
