Мемлекеттік «Рухани жаңғыру» бағдарламасын және Президентіміз         Қасым-Жомарт Тоқаевтың «Абай және ХХІ ғасыр» мақаласын негізге ала отырып, Хакім Абайдың 175 жылдығын насихаттауға азаматтық үлес қосу ниетімен «Нұр-Сұлтан – Жидебай» велошеруін ұйымдастырамыз. Веломарафонның ұзақтығы – 1000 (мың) шақырым. Бір бағытқа (Нұр-Сұлтан > Жидебай) ғана жасалады.

         Іс-шараның бірнеше мақсаты бар:

         1) Абай Құнанбайұлының өнегелі өмірін, бай мұрасын және ізбасарларының еңбегін өзіміз тану және танытуға, насихаттауға атсалысу;

         2) Қалың жұртшылықты, әсіресе жастарды саламатты өмір салтын ұстануға үндеу;

         3) Елді, жерді сүюге, патриотизмді насихаттау;

         4) Қоршаған ортаны қорғауға, айналаны, табиғатты аялауға үндеу.

Веломарафон «Нұр-Сұлтан > Ерейментау > Екібастұз > Павлодар > Семей > Бөрілі > Жидебай» бағдары бойынша Ақмола, Павлодар және Шығыс Қазақстан облыстарының аумағы арқылы өтеді.

         Велосапар Нұр-Сұлтан қаласындағы Абай ескерткішінің алдынан 2 қыркүйекте сағат 8:00-де басталып, Жидебай қонысындағы «Абай-Шәкәрім» мавзолей кешенінде аяқталады.

Велотоп 3 адамнан тұрады. Барлығы да әуесқой спортшылар.

1. Ернат Мелсұлы, ағылшын тілінің оқытушы-аудармашысы.

2. Дәулетқали Асауов, журналист.

3. Жасұлан Үкеев, музей қызметкері, археолог.