Өскемендіктердің құлағына алтын сырға, көлігіңізді автотұраққа ұзақ уақытқа қалдырмаңыз. Себебі, үйге жаяу қайтуыңыз мүмкін. Неге дейсіз бе? Онда оқыңыз.

Қала әкімдігі қар күреуге кедергі келтіретін көліктер арнайы автотұраққа жабылады дейді. Себебі кейбір көліктер автотұрақта екі-үш сағат емес, апталап тұрады деп отыр.

- Осыған дейін біз қала қонақтары мен тұрғындарына бірнеше рет ескерту жасаған болатынбыз. Өйткені көп көліктер қар күрейтін техникаға кедергі жасайды. Алдымен тәртіп сақшылары көлік иесімен сөйлеседі. Ал байланыс орнату мүмкін емес болса, көлік арнайы автотұраққа жабылады, - дейді қала әкімінің баспасөз хатшысы.

Шаһар тұрғындарының 90%-ы дерлік бұл шешімге оң қабақ танытқан. Себебі ауладағы және жолдағы қар толықтай тазаланса екен дейді.

Айта кететін жайт, екі күн ішінде 20 көлікке ескерту жасалып, 4 көлік автотұраққа жабылды.