15 маусымнан бастап Сәтпаев даңғылының бір бөлігінде бір айдай уақытқа көлік қозғалысы тоқтатылады, деп хабарлайды Алтайньюс тілшісі.

Ол жол жөндеу жұмыстарына байланысты жабылмақ.

15 маусым күні сағат 7.00-де Сәтпаев даңғылының «Фрешмаркет» гастрономынан Байбатчин көшесімен қиылысқан тұсына дейінгі учаскесі жабылады. Қоғамдық көліктердің қозғалысына арнайы жолақ бөлінеді екен.

Ал басқа көліктер Есенберлин көшесімен Жастар көшесіне қарай бағытта жүретін болады.

Жабылатын аумаққа кіретін "Радуга" тұрғын үй кешені және басқа да нысандарға өту үшін Сәтпаев-Байбатчин көшелерінің қиылысына айналма жолмен жетіп алып, ары қарай Ертіс көпіріне қарай бағытта арнайы қарастырылған кірме жолдармен жүруге болады.