Жексенбі күні 7:00 – 18:00 аралығында Сәтпаев даңғылы жабылады, деп хабарлайды Алтайньюс тілшісі. Бұл туралы Өскемен әкімі Жақсылық Омар әлеуметтік желідегі парақшасында жазды.

Жазуынша, жолдың жабылуы О.Рыпакова кешені тұсынан салынып жатқан жаяулар көпірінің жұмысына байланысты.

Қаладан шыққан көліктер «Фреш маркет» сауда үйінің артындағы айналма жолмен қатынайды. Ал «КШТ-дан» шыққан мәшинелер Самар тасжолымен жүреді.

Айта кету керек, бұл тек жекеменшік көліктерге қатысты. Ал қоғамдық көліктер баяғысынша қатынай береді. Көпір жөнделіп жатқан тұстарда ғана оларға арнайы жол ашылады.