24 қаңтарда ШҚО аумағында қарлы боран соғады, деп хабарлайды Altaynews тілшісі.

Кей аудандарда қалың қар жауып, тұман түседі, көктайғақ болады. Оңтүстік және оңтүстік-шығысқа қарай соққан желдің екпіні секундына 15-20 метрге дейін күшейеді, кей жерлерде 23-28 м/с дейін жетуі мүмкін.

Қазгидрометтің ақпараты бойынша, бұл күні Өскеменде боран түнгі уақытқа қарай басталады. Желдің бағыты аймақтағы жағдайға сай болмақ. Жылдамдығы 15-20 м/с-тан аспайды. Түнгі боран Семей қаласында да күтілуде.