Өскеменнің 19-ықшам ауданында жаңа саябақ ашылатыны туралы ақпарат осыдан екі жыл уақыт бұрын  пайда болған. Демалыс орыны 2019 жылы ашылуға тиіс еді. Алайда саябаққа белгіленген орында жұмыстардың басталатын түрі жоқ, деп хабарлайды Altaynews тілшісі.

Нақтырақ айтсақ, жаңа саябаққа арналған орын Көкжал Барақ, Уәлиев көшелері мен Ілияс Есенберлин даңғылы тоғысқан жерге белгіленген.

Аймақ басшысы Даниал Ахметовтың айтуынша, қазіргі таңда саябақтың жобасы әзірленіп жатыр. Құрылыс жұмыстары 2021 жылы басталмақ.