Футболдан бірінші лига командалары арасындағы ел чемпионатында өнер көрсетіп жатқан семейлік «Алтай» көш басындағы «Қызылжармен» тең тарқасты, деп хабарлайды Алтайньюс тілшісі.

Біріншіліктің 24-ші туры аясында Петропавл қаласында ойналған ойын 0:0 есебімен аяталды. Еске салайық, қос ұжым арасында Семей қаласында өткен алғашқы кездесуде петропавлдық футболшылар Сергей Тимофеев шәкірттерін 1:0 есебімен тізе бүктірген болатын.

Осы кездесуден кейін жерлестеріміз турнирлік кестенің үшінші орнында орналасуда. Әзірге қоржынында 49 ұпайы бар «Алтай» көш бастап тұрған «Қызылжардан» – үш, ал екінші орындағы ақтаулық «Каспийден» бір ұпайға қалып тұр.

Ел біріншілігі аясындағы келесі кездесуін алтайлықтар 27 қазан, жексенбі күні өз алаңында шымкенттік «Қыранмен» өткізетінін айтқан жөн.