Облыс орталығындағы ескі трамвай вагондары толық жөндеуден өткізілуде. Бүгін жаңаланған трамвайдың бірі жолаушы тасымалдауға жіберілді, деп хабарлайды Алтайньюс тілшісі.

32-ші нөмірлі ескі вагон толықтай бөлшектеліп, жаңа материалдардан қайта жиналған екен. Сондай-ақ, салон жылытылып, шудан оқшауланған, монитор мен бейнебақылау жүйесі, жарықдиодты шамдар мен тегін Wi-Fi орнатылыпты. Одан бөлек, отыратын орындықтар, еден жабындысы, сыртқы қаптамасы, есіктерінің механизмдері түгел жаңартылды.

Жуықта тағы бірнеше жаңартылған вагондар іске қосылмақ.