Зейнеткердің қаражатын қымқырған күдікті ұсталды – ШҚО
фото: ratel.kz
Жиырма бестегі жігіт 63 жастағы зейнеткердің қаражатын қымқырып қалған. Оқиға Алтай қаласында болды, деп хабарлайды Altaynews.kz тілшісі.
Полиция деректеріне сүйенсек, егде жастағы адам танысына өтініш жасап, банкоматтан екі ай бойы зейнетақысын алғызып жүрген. Кейінірек, зейнеткер өз телефонына банк қосымшасын орнатқан кезде, зейнетақысының бір бөлігі – жүз мың теңгесі қолды болғанын байқаған.
«Күдікті кінәні мойындады. Қылмыстық кодекстің 189-бабының 1-бөлігі (сеніп тапсырылған бөтен мүлікті иемдену немесе ысырап ету) бойынша сотқа дейінгі тергеу жүргізіледі», - деп мәлімдеді облыстық полиция департаментінің баспасөз қызметі.
Оқи отырыңыз
