Өскеменде зейнеткердің тірнектеп жиған 640 мың теңгесі мен 300 доллары қолды болды, деп хабарлайды Алтайньюс тілшісі.

Дереу полицияға шағымданған 85 жастағы қала тұрғыны 59 жастағы өз ұлынан күдіктенетінін айтқан. Кейуананың күдігі расталды.

– Күдікті өз кінәсін толық мойындады. Қазіргі уақытта ақша ұрлау фактісіне қатысты ҚР Қылмыстық Кодексінің 188-бабы 1-бөлігі бойынша сотқа дейінгі тергеу басталды, – деп мәлімдеді Полиция басқармасы.

Енді зейнеткердің ұлына 1000 АЕК көлемінде айыппұл салынуы мүмкін. Бұл дегеніңіз 2,5 миллион теңгеден асып жығылады.