«Заречный кентіне мол судың алғашқы толқыны аптаның соңында батыс жағынан қарай келеді. 2020 жылы ол жерде биіктігі 2,8 м бөгет тұрғызылды, ол бүгінгі күнге дейін елді мекеннің шығыс бөлігін қорғады, бұл Заречныйға жыл сайын келетін су тасқынынан қорғауға жеткілікті болды. Қазір біз бөгеттің биіктігін 4,5 м-ге дейін жеткізіп, нығайтып жатырмыз, бұл жұмысқа барлық қызметтер, еріктілер мен қарапайым тұрғындар қатысып жатыр.
Біз одан да жоғары тұрғыза алмаймыз, жанында көл бар. Заречный өзеннің жайылмасында орналасқан және бүкіл кентті қоршап бөгет салуға мүмкіндік жоқ. Яғни, су – елді мекенге кіреді. Есіл өзенінің ең төменгі жерінде саяжай учаскелері орналасқан. Сондықтан міндетті түрде қауіпсіз жерге көшу керек!
Мен саяжайларда тұрақты тұратын тұрғындар бар екенін білемін. Қызметтер кешеден бастап эвакуациялауды бастады. Бірақ кейбір тұрғындар саяжайлар мен тұрғын үйлерді қалдырғысы келмейді. Әрине, жылдар бойы жинаған дүние-мүлікті қалдыру қиын екенін түсінемін. Бірақ қазір сіздің өміріңізге қауіп төніп тұр! Қызметтердің талабын ескеріңіз. Судың есікке дейін жетуін күтпеңіз. Қазір әрекет ету керек!
Мен тұрғындардың наразылығын және сіздің пікірлеріңізді оқып, көріп жатырмын. Бірақ біз табиғи апатты тоқтата алмаймыз. Тағы да қайталаймын, бірде-бір тұрғын мен оның мүлкі назардан тыс қалмайды! Мен қала әкімі ретінде қолымнан келгеннің бәрін жасаймын!» - деді Петропавл әкімі Серік Мұхамедиев.