ҚР Денсаулық сақтау министрі Ақмарал Әлназарова мен Францияның Қазақстандағы Елшісі Дидье Канес кездесті, деп хабарлайды Altainews.kz тілшісі.

Министрлік баспасөз қызметінің ақпараты бойынша, кездесу барысында тараптар денсаулық сақтау саласындағы екі елдің ынтымақтастығын күшейту және бұрын қол жеткізілген уағдаластықтарды іске асыруды жалғастыру мәселелерін талқылады.

Денсаулық сақтау министрі Франция тарапынан онкологиялық көмекті одан әрі жетілдіру және жаңғырту үшін 1 млн.еуродан астам сомаға инвестициялар тартуға көмекті жоғары бағалады.

Инвестициялар диагностика мен емдеудің заманауи әдістерін енгізуге бағытталатын болады, бұл елдегі медициналық көмектің сапасын жақсартуға мүмкіндік береді.

Сонымен қатар, Денсаулық сақтау министрі медициналық-санитариялық алғашқы көмекті дамытуға ықпал ететін МСАК елдерінің коалициясын құру жөніндегі бастаманы қолдауға шақырды.