Нора Джеруто алғашқы сайысында Париж Олимпиадасының жолдамасын жеңіп алды, деп хабарлайды Аltainews.kz тілшісі ҚР Туризм және спорт министрлігі ақпаратына сүйеніп.

Жеңіл атлетикадан АҚШ-та өткен «USATF Los Angeles Grand Prix» жарысында 1 жылдан астам уақыттан кейін үлкен спортқа оралған Әлем чемпионы Нора Джеруто қола жүлдеге ие болды.

Бұған дейін ол 2023 жылы ақпан айында жабық кешендегі Азия чемпионатында (9:29.27) бақ сынаған болатын.

3 000 метрге кедергімен жүгіруден канадалық Сейли Маккейб алтынға ие болып, Канаданың рекордын жаңартты (9:20.58). 2-орынға АҚШ спортшысы Мэдисон Бореман (9:21.98), 3-орынға қазақстандық Нора Джеруто (9:22.45) жайғасты.