Шайбалы хоккейден Братислава (Словакия) қаласында қысқы Олимпиадаға шешуші іріктеу кезеңі өтіп жатыр.

Біздің жігіттері екінші жеңісіне қол жеткізді, деп хабарлайды Altainews.kz сайты ҚР Спорт комитеті ақпаратына сүйеніп.

Қазақстан Аустриядан 2:1 есебімен басым түсті. Шайбалар: Дмитрий Бреус, 1 минут (1:0), Рафаэль Хербургер, 42 минут (1:1), Тамерлан Гайтамиров, 52 минут (2:1)

Осылайша Қазақстан құрамасы 2013 жылдан бері Аустриямен өткізген барлық 6 кездесуде басым түсті

Алайда бұл ойынның алдында Аустрия фаворит саналған болатын. Себебі, олар мамыр айында өткен Әлем чемпионатында Канада, Финляндия сынды мықты ұжымдарға айтарлықтай қарсылық көрсеткен болатын.

Енді отандастарымыз 1 ғана жолдаманы жеңіп алу үшін, 1 қыркүйек күні алаң қожайыны Словакиямен күш сынасады.

Айта кетейік, 2026 жылы 6-22 ақпан күндері аралығында Милан және Кортина-д’Ампеццо қаласы XXV Қысқы Олимпиада ойындарын қабылдайды.