Қазақстанда 2025–2026 жылғы қысқы маусымға дайындық аясында 36 млн тонна мал азығы дайындалды. Бұл туралы ҚР Ауыл шаруашылығы министрлігі ақпараты бойынша Шығыс Қазақстан облысы науқанды табысты аяқтаған өңірлердің қатарында — мұнда жоспар 100 пайызға орындалды, деп хабарлайды Altainews.kz сайты.

Министрліктің мәліметінше, республика бойынша 24,9 млн тонна шөп (жоспардың 101,5%-ы), 1,9 млн тонна пішендеме (112,5%), 3,2 млн тонна құрамажем (56,8%), 2 млн тонна сабан (97,0%) және 4,1 млн тонна сүрлем (88,6%) дайындалған. Белсенді жұмыс Солтүстік Қазақстан (125%), сондай-ақ Абай, Ақмола, Ақтөбе, Жамбыл, Алматы, Қостанай және Шығыс Қазақстан облыстарында, сондай-ақ Шымкент қаласында байқалады.

Дайындалған мал азығының көлемі жануарларды толыққанды азықтандыруға, жоспарлы өнім мен төл алуға, сондай-ақ мал басының сақталуын қамтамасыз етуге мүмкіндік береді. Жалпы республика бойынша мал азығымен қамтамасыз ету жағдайы тұрақты.