Қазгидромет 20 тамыздағы ауа райына болжам жасады.

Синоптиктердің болжамынша, солтүстік-батыс антициклонмен Қазақстанның басым бөлігінде жауын-шашынсыз ауа райы сақталады.

Елдің солтүстігінде, солтүстік-батысында, шығысында, оңтүстік-шығысында жаңбыр жауады, елдің шығысындағы таулы аудандарда жауын-шашын (жаңбыр, қар) күтіледі.

Республиканың оңтүстік-шығысындағы таулы аудандарда бұршақ жаууы мүмкін.

Елдің кей жерлерінде желдің күшеюі күтіледі, солтүстікте, солтүстік-батыста, орталықта, елдің шығысында түнгі және таңертеңгі сағаттарда тұман күтіледі, солтүстікте, шығыста, республиканың орталығында түнде топырақ бетінде 2 градусқа дейін үсік жүреді.

Күндіз Маңғыстау облысының басым бөлігінде қатты ыстық сақталады.

Қызылорда, Түркістан облысының оңтүстігінде, шығысында, Маңғыстау облысының оңтүстігінде, Бесқарағай ауданында Абай облысының төтенше өрт қаупі сақталады.