Өскеменде жоғалып кеткен 12 жастағы аутизммен ауыратын бала табылды, деп хабарлайды Алтайньюс тілшісі.

Естеріңізге сала кетейік, 12 жастағы Тамирлан Ахмеджанов 14 тамызда түнгі сағат 02:30 шамасында үйінен белгісіз бағытқа шығып кетіп, қайта оралмағанын хабарлаған болатынбыз.

Кәмілетке толмаған бала іздеу шаралары барысында ТМК көпірі маңындағы шұңқырдан табылған. Оған алдымен медициналық көмек көрсетіліп, кейін ата-анасының қолына тапсырылатын болады.

Тамирланды іздеу жұмыстарына полиция қызметкерлері, ҚР Ұлттық Ұланының әскери қызметкерлері, құтқарушылар мен еріктілерден 550-ге жуық адам тартылған.