Қазақстандық спортшылардың өткен аптада халықаралық аренадағы жетістіктері ел мерейін үстем етті,- деп хабарлайды Altainews.kz тілшісі ҚР Туризм және спорт министрлігіне сілтеме жасап.

• Әуесқой бокс: Черногорияның Будва қаласында өткен жастар арасындағы бокстан әлем чемпионатында Қазақстан құрамасы 17 медаль (6 алтын, 1 күміс, 10 қола) жеңіп алды.

• Күрес: Албанияның Тирана қаласындағы әлем чемпионатында (олимпиадалық емес салмақтарда) Қазақстан құрамасының палуандары 1 алтын және 2 күміс медаль еншіледі. Еркін күресте Нұрқожа Қайпанов (70 кг) алтын жүлдегер атанса, грек-рим күресінен Ержет Жарлықасын (63 кг) және әйелдер күресінен Жәмилә Бақбергенова (72 кг) күміс жүлдеге ие болды.

• Таэквондо: Қатар астанасы Дохада өткен халықаралық турнирде Қазақстанның ересектер құрамасы 8 алтын, 4 күміс, 7 қола медаль иеленді. Сондай-ақ, кадеттер құрамасы 5 алтын, 8 күміс, 6 қола медаль ұтып алды.

• Шайбалы хоккей: Бейжің қаласында өткен Азия чемпионатында Қазақстанның әйелдер құрамасы қола жүлдені жеңіп алды. Жерлестеріміз үшінші орын үшін Оңтүстік Корея командасын жеңді.

• Үстел теннисі: Словакияның Сенец қаласында өткен WTT Youth Contender турнирінде Жания Бекмұхамбетова 11 жасқа дейінгі балалар арасында жеңімпаз атанды.