- ТК-650-ден ТК-652-ге дейінгі жылу желілерін жөндеу жұмыстарына байланысты Протозанов-Қабанбай батыр көшелерінің қиылысында көлік қозғалысы шектеледі, - деп хабарлады "Өскемен жылу желілері" АҚ. - "Ертіс концерті" жақтан Протозанов көшесімен Қабанбай батыр көшесіне қарай апаратын жолақ толығымен жабылады, көліктер қарсы жолақпен жүретін болады. Ал "Өскемен" қонақ үйі жақтан Қабанбай батыр көшесімен Протозанов көшесіне қарай бұрылғандағы оң жақ жолақпен жүру және Протозанов көшесіне оңға бұрылу шектеледі.