Өскеменнің көшелерінде, Арбатта және жерасты өткелдерінде бір жасөспірімді жиі кездестіруге болады. Ол - 16 жасар Тимур Рахматуллин, деп хабарлайды Altainews.kz тілшісі.

Ол тек скейтпен сырғанаумен ғана шектелмейді, сонымен қатар скрипкада да шебер ойнайды. Тимур музыкалық мектепті бітірген, екі аспапта ойнайды. Биылғы жазда ол өзінің екі сүйікті ісін - музыка мен скейт тебуді біріктіріп көруге шешім қабылдады. Нәтижесі қандай болды?

Тимур Жаңа Согра ауданында тұрады және мектепте оқиды. Скейтбордқа қызығушылығы үш жыл бұрын пайда болған. Ол бұл хоббиді бейнежазбадан көріп ұнатқанын еске алады. Тимур өз арманына жету үшін еңбек етіп, тапқан ақшасына скейт сатып алған. Қазір ол лонгбордпен сырғанайды, бұл - скейттің ұзартылған түрі.

Тимур алты жасынан бастап скрипкада ойнайды. Музыкалық мектепті бітірген соң гитараға ауысып, биыл екеуін де біріктіріп, лонгбордпен сырғанап жүріп, музыка ойнауды сынап көрді. Жұрт оның өнеріне таңданып, қошемет көрсеткен. Тимур қаладағы Арбатта жиі өнер көрсетіп, адамдардың назарын өзіне аудара бастады. Ол тіпті поэтикалық кештерде өнер көрсетіп, арнайы фотосессияларға шақырту алған. 

Тимурдың өнеріне жақындары әртүрлі көзқараста болды. Әкесі бұл бастамасын қолдаса, анасы бастапқыда қарсы болған. Алайда, әпкесі бұл жағдайды түсіндіріп, анасы да келісімін берген. Тимур көшеде өнер көрсетіп, адамдарға жақсы көңіл-күй сыйлауды өзіне мақсат етеді, алайда сыншылар да табылады. Бірақ ол мұндай жағдайлар кез келген шығармашылық адамда болатынын түсінеді.

Қазіргі кезде Тимур скейт теуіп, скрипкада ойнауды мектеп басталғандықтан сиректен. Ол тек демалыс күндері ғана өнер көрсетеді және суық түскенше жалғастыруды жоспарлап отыр. Оның басты мақсаты – келесі жылы музыкалық консерваторияға түсу.