Алаяқтар "Өскемен су арнасы" кәсіпорны қызметкері болып қоңырау шалатын болған
pexels.com
Өздерін "Өскемен Водоканалданбыз" дейтін олар тұтынушыларға код жіберіп, жеке деректерін алуды көздейді.
Коммуналдық мекеме басшылығы қызметкерлер тұрғындарға код сұрап қоңырау шалмайтынын ескертеді, деп хабарлайды Altainews.kz тілшісі.
- Қала тұрғындарына "Өскемен су арнасы" МКК қызметкерлері болып алаяқтар қоңырау шала бастады, - деп ескертеді "Өскемен су арнасы" МКМ. - Алаяқтар тұтынушыларға есептегіштерді тексеру немесе олардың жарамдылық мерзіміне байланысты ауыстыру қажет екенін хабарлайды. Ұялы телефонға келетін кодты сұрайды. "Өскемен су арнасы" МКК қызметкерлері тұрғындарға код сұрап қоңырау шалмайды. Алаяқтардың айла-амалдарына түсіп қалмас үшін есептегіштеріңіздің төлқұжатында көрсетілген қызмет ету мерзімдеріне назар аударып, салыстырыңыз.
Жеке деректерді, соның ішінде құпия сөздерді және SMS кодтарын ешкімге беруге болмайды.
Оқи отырыңыз
