Алаяқтар енді дәрігер болып хабарласатын болған
pixabay.com
Полиция халыққа алаяқтықтың жаңа түрі туралы ескерту жасады.
Соңғы уақытта қаскөйлер өздерін медицина мамандары ретінде таныстырып, WhatsApp-қа қоңырау шалады немесе хабарлама жазатын болған, деп хабарлайды Altainews.kz тілшісі.
- Сізге диспансерлеу, флюорографиядан өту ұсынылады. Ыңғайлы күнді таңдап, тіркелу үшін SMS-арқылы келген сандарды айтуды сұрайды, - деп ескертеді ҚР ІІМ. - Ешқандай жағдайда кодты айтпаңыз. Алаяқтар сіздің жеке кабинеттеріңізге қашықтан кіріп, дербес деректерді иемдену арқылы несие рәсімдей алады.
Бұлар бұрын банктің қауіпсіздік қызметкерлері немесе полиция қызметкерлері болып хабарласқан алаяқтар.
Осы туралы жақындарыңызға, әсіресе, егде жастағы адамдарға айтып, ескерте жүру қажет.
Оқи отырыңыз