ШҚО дене шынықтыру және спорт басқармасының қарамағында 35 спорт мекемесі бар. Облыс бойынша жалпы бюджет шамамен 15 миллиард теңгені құрайды, оның 62%-ы балалар мен жасөспірімдер спорт мектептеріне бөлініп отыр, деп хабарлайды  Аltainews.kz тілшісі. 

Сонымен қатар басқарма олимпиадалық спорт түрлері бойынша жұмыс істейтін 7 спорт клубымен бірлесіп, волейбол, футбол, хоккей, жеңіл атлетика, үстел теннисі және гандбол бағыттарын дамытуда. Спортшыларды дайындау сапасын жақсарту мақсатында ай сайын қаржыландыру мониторингі жүргізіледі. Қаржы көздерінің дұрыс бөлінуі мен спортшыларды сапалы дайындау – алдағы жазғы және қысқы олимпиадаларда табысқа жетудің кепілі.  

Басқарма өкілі спортшыларымыздың жоғары нәтижеге жетуіне жағдай жасау үшін бар күштерін салатынын жеткізді.

 Ержан Әбіш

Фото: Аяужан Утеулинова