Елімізде 1,3 миллионнан астам бала спортпен жүйелі түрде шұғылданады
pexels.com
Республика бойынша 6-18 жас аралығындағы балалар мен жасөспірімдердің жалпы саны шамамен 4 000 000 адамды құрайды.
Ел бойынша 645 балалар-жасөспірімдер, 142 балалар-жасөспірімдер дене шынықтыру клубтары бар, деп хабарлайды Altainews.kz тілшісі ҚР Туризм жəне спорт министрлігі ақпаратына сүйеніп.
– 260 мыңнан астам бала мен жасөспірім 780 балалар мен жасөспірімдер дене шынықтыру клубтарында спортпен айналысады. 4 жастан 17 жасқа дейінгі 250 мыңнан астам бала жергілікті бюджет есебінен 7 мыңнан астам спорт секцияларына барды, – деп мәлімдеді министрліктің баспасөз қызметі.
Мемлекет басшысының 2020 жылғы 1 қыркүйектегі Жолдауын орындау мақсатында 2021 жылғы мамырдан бастап спорт секцияларын жан басына қаржыландыру арқылы мемлекеттік спорт тапсырысын іске асыру тетігі енгізілді.
Мектептерде спорттың 10 түрі бойынша ұлттық мектеп спорт лигалары, оның ішінде баскетбол, волейбол, футбол, футзал, жеңіл атлетикалық кросс, үстел теннисі, тоғызқұмалақ, асық ату, бес асық, қазақ күресінен спорттық жарыстар өткізіледі.
Оқи отырыңыз
