Наурыз мерекесі қарсаңында дәстүрлі түрде ұйымдастырылатын "Шаңырақ күні" мерекесінде тату-тәтті өмір сүріп келе жатқан, 15, 30 және одан да көп жыл отасқан үлгілі отбасыларға құрмет көрсетілді. Бұл – белсенді өмірлік ұстанымы бар, лайықты ұрпақ тәрбиелеп отырған, қоғамға үлгі болар жанұялар.  

Алтай ауданы әкімінің орынбасары, әйелдер ісі жөніндегі комиссия төрайымы Жанна Асқарова отбасының маңыздылығын атап өтті. 

Мерекелік кеште ерекше құрметке ие болған отбасылар:  

Зарина Кумарова мен Талғат Жампейісов – 30 жылдан астам уақыт тату-тәтті өмір сүріп, екі ұл тәрбиелеген. Ұлдары Алтай қаласында еңбек етсе, кенже қыздары мектепте оқып, "Зыряночка" би ансамблінде өнер көрсетеді. Бұл жанұя "Казцинктранс" компаниясымен тығыз байланысты.  

Елена мен Владимир Орловтар – 30 жылдан бері бірге өмір сүріп, екі ұл тәрбиелеген. Бүгінде отағасы мен ұлдары байыту фабрикасында еңбек етуде.  

Кристина мен Николай Коноплевтар – 15 жылдан бері қол ұстасып келе жатқан белсенді, спортшы отбасы. 2022 жылы "Мерейлі отбасы" ұлттық байқауының облыстық кезеңіне қатысқан. Екі ұлы да мектептің үздік оқушылары, спортпен шұғылданады. Осы күні әкелерімен бірге шығыс жекпе-жегі бойынша облыстық жарыстарда бақ сынауда.  

Мереке аясында "Бесікке салу" дәстүрі көрсетілді.  

"Берік, тату және бақытты отбасы – мемлекеттің мызғымас іргетасы. Отбасылық дәстүрлер арқылы тәуелсіз еліміздің тарихы жазылады," – деп Кристина Коноплева мерекелік кешке қатысушыларға ізгі тілегін жеткізді.