– Биыл біз қолданыстағы соқпақтар мен бағыттарға түгендеу жұмыстарын жүргізіп, жаңа бағыттар ашуды жоспарлап отырмыз, – деді Шығыс Қазақстан облысының кәсіпкерлік және индустриялық-инновациялық даму басқармасының басшысы Ардақ Мәдиев. – Қазіргі кезде Марқакөл қорығы аумағында он туристік соқпақ ұйымдастыру жөнінде келісім бар. Экология министрлігімен тиісті келіссөздер жүргізілуде. Мұның бәрі – Марқакөл қорығының туризм саласында қарқынды дамуына және туристер үшін қолайлы жағдай қалыптастыруға бағытталған.

– Қазіргі бар соқпақтар өз тиімділігін дәлелдеді. Біз оларды одан әрі дамытып, жақсарта түсеміз, – деп атап өтті Ардақ Мәдиев. – Біз соқпақтар санын арттырып қана қоймай, сапасын да көтеруіміз керек. Олар қолжетімді болып, өлкеміздің сұлулығын тереңірек танытуға тиіс.