-Мемлекет басшысы Қасым-Жомарт Тоқаев өзінің Қазақстан халқына Жолдауында «Қазақстан халқы қазір мүлде жаңа саяси жағдайда өмір сүруде. Соңғы 5 жылда ауқымды реформалар жасалды. Еліміздің саяси жүйесі түбегейлі өзгерді» деп атап өтті. «Халық үніне құлақ асатын мемлекет» тұжырымдамасын іске асырудың бір мысалы ретінде Катонқарағай ауданын қайта қалпына келтіруді айтуға болады.Сондықтан, ауданның дамуы, өзін-өзі қамтамасыз ете алатын аймаққа айналуы өте маңызды, - деді облыс әкімі кездесу кезінде.

-Бұл бағытты ауқымды жұмыс атқарылды және жалғасуда. Мемлекеттік органдарды орналастыру үшін әлеуметтік нысандар мен әкімшілік ғимараттарды күрделі жөндеуге Үкіметтің резервінен екі миллиард теңге бөлінді. Аудан әкiмiне жауапты басқармалармен бiрлесiп әкiмшiлiктер мен әлеуметтiк нысандарды жөндеудiң сапалы және уақтылы аяқталуын, биылғы жылдың 20 қарашасына дейiн қамтамасыз етудi тапсырамын, - деді өңір басшысы.