Ұлан ауданының Донское ауылында Кеңес одағының батыры Төлеген Тоқтаровтың мүсіні орнатылмақ.

Ауылда Төлеген Тоқтаров атындағы жалпы орта мектеп бар. Мүсін соның алдында қойылады.
Монументті мүсінші Иордан Василович жасайтын болды.

Ал мүсінді жасауға қаржылай қолдау көрсететін – осы ауылдың тумасы, шаруа қожалық иесі, меценат Анатолий Барков.

Биыл Төлеген Тоқтаров туғанына 100 жыл. Қаһарман жауынгер Бородино түбіндегі ұрыста ерлікпен қаза тапқан.