Өскемен полицейлері тұрғындарға тегін медициналық маска таратты, деп хабарлайды Алтайньюс тілшісі.

Тәртіп сақшылары көшелерді, автобустарды аралап, тіпті кішкентай бүлдіршіндерге дейін медициналық маска сыйлады.

– Осылайша тұрғындарға дәл қазіргі сәтте денсаулыққа көңіл бөлу аса маңызды екенін түсіндіргіміз келді. Өскемендіктер де өзінше риза болысып, жылы лебіздерін білдіріп жатты, – деп мәлімдеді ШҚО Полиция департаметі.

Дәл осындай қайырымды акцияны блок-бекеттердегі полиция қызметкерлері де жүргізген екен. Ондағы тәртіп сақшылары 300-ден астам медициналық маска таратқан.