«Қазгидромет» мамандары қазан айына дейінгі ауа райына болжам жасады. Олардың мәліметінше, жазда ыстық болмайды, деп хабарлайды Алтайньюс тілшісі. 

Болжам бойынша, маусым айында солтүстік-шығыста және оңтүстік-шығыстың кей жерінде жауын-шашын норма шамасында, басқа өңірлерде нормадан төмен болады. Жаздың басым бөлігінде ыстық болмайды, бірақ жаңбыр жауады. Шілдеде ауа температурасы елдің барлық аумағында норма шамасында болады, тамызда температура батыс пен солтүстік-батыстың кей жерінде нормадан 1 градус жоғары болмақ.

2020 жылдың күзі еліміздің көп бөлігінде жылы болады, қыркүйекте Қазақстанның көп бөлігінде жауын-шашын нормадан аз түседі, еліміздің солтүстігінде, батысында, шығысында және оңтүстік-шығысында жауын-шашын мөлшері норма шамасында болады, қазан айында солтүстік-батыста жауын-шашын нормадан көп түссе, оңтүстік-шығыста норма шамасында болады, республиканың солтүстік, орталық, оңтүстік-батыс өңірлерінің көп бөлігінде, оңтүстік пен солтүстік-батыстың кей жерінде нормадан аз түседі.

Ескерту: жыл маусымына болжам жасалған кезде ауа температурасы мен жауын-шашын мөлшері климат нормасынан ауытқиды, мұндай болжам 60-65% қана дәл келеді. Сол себепті синоптиктер оны ай, онкүндік, апта, тәулік сайын нақтылап отырады.