ШҚО-да 1 мамырдан бастап барлық саябақтар ашылады, деп хабарлайды Алтайньюс тілшісі.

Бұл жайлы аймақ басшысы Даниал Ахметов Facebook-тегі парақшасында жазды. «1 мамырдан бастап өңірдегі барлық саябақтар ашылады. 29 сәуірде Өскемендегі демалыс орындарының дайындығын тексеріп, волонтерлермен бірге Жамбыл саябағында ағаштар отырғыздық. Келесі айда ата-аналарға балаларымен бірге серуенге шығып, саябақтарда қыдырып, таза ауада дене шынықтырып, алаңқайларда ойнауға рұқсат етіледі. Алайда әзірге бұның бәрі тек берілген рұқсат қағаздары және әлеуметтік қашықтықты сақтау арқылы ғана мүмкін болмақ», - дейді әкім.