Жаңа жағдай Семей қаласында тіркеліп отыр, деп хабарлайды Altaynews тілшісі.

27 сәуір күні 67 жастағы Семей тұрғыны «пневмония» диагнозымен ауруханаға түскен. Коронавирусқа жасалған анализдің қорытындысы оң болып шықты.

- Қазіргі таңда әйел адам инфекциялық стационарға жатқызылып, оқшауланды. Тиісті ем-шаралар алуда. Жағдайы орташа ауыр, - деп жазылған облыстық әкімдіктің хабарламасында.

Вирус жұқтырған семейлік науқастың ел аумағынан шықпағаны белгілі болды.

ШҚО бойынша коронавирус жұқтырғандардың жалпы саны 17 адамға жетті.