Семейде коронавирус жұқтырған 40 жастағы әйел адам тіркелді, деп хабарлайды Altaynews тілшісі.

Бұл - ШҚО-дағы COVID-19 инфекциясын жұқтырған 8-ші науқас.

- Ол 12 сәуірде ЖРВИ белгілерімен және жағдайының нашарлауы себепті жедел жәрдем шақырып, артынша провизорлық стационарға жатқызылды. COVID-19-ға талдама алынып, оң нәтиже көрсетті. Қазіргі уақытта науқас инфекциялық стационарға ауыстырылды. Жағдайы орташа дәрежедегі ауырлықта. Байланыста болған 48 адам анықталды. Жақындары карантиндік стационарға, ал болжамды байланыста болғандар үй карантиніне оқшауланды, - деп мәлімдейді облыстық әкімдіктің баспасөз қызметі.