ҚР Мәдениет және спорт министрлігі Димаш Құдайбергенді мемлекеттік марапатқа ұсынады, деп хабарлайды Алтайньюс тілшісі.

Мәдениет вице-министрі Ақтоты Райымқұлованың айтуынша, мемлекеттік марапаттар жылына бір рет Тәуелсіздік күні қарсаңында тапсырылады. Министрлік жас әншіні осындай жоғары марапатқа лайық деп санайды. Бірақ Димаш Құдайбергеннің кандидатурасын бекіту туралы мәселе Президент Әкімшілігінде шешілетін болады.

Райымқұлованың айтуынша, Димаш 2017 жылы «I am а singer» жобасына қатысқанға дейін Қазақстанның тұңғыш президентінің мәдениет саласындағы шәкіртақысының, сондай-ақ «Дарын» Мемлекеттік сыйлығының және «Мәдениет саласының үздігі» атағының иегері болған.