ШҚО-да полицейлер автобустарды тексеріп жатыр
Облыс көлемінде 4 мамырдан бастап «Автобус» жедел-алдын алу іс-шарасы басталды.
Жедел-профилактикалық іс-шараның басты мақсаты – қоғамдық көліктердің қатысуымен болатын жол-көлік оқиғаларының алдын алу және желіде өз қызметін қолданыстағы заңнама аясында тіркеусіз жүзеге асыратын тұлғаларға қатысты бақылауды жетілдіру, деп хабарлайды Altaynews тілшісі.
"Іс-шара барысында жүргізушілерде тиісті құжаттардың болуына, олардың еңбек және демалыс режимін сақтауларына, жүргізушілердің рейсалды медициналық тексеруден өтулеріне және қоғамдық көліктердің де техникалық тексерілуіне ерекше назар аударылады", дейді ШҚО ПД баспасөз қызметі.
Айта кету керек, «Автобус» жедел-алдын алу іс-шарасында тек жүргізушілер ғана емес, көлікті пайдалануға жауапты кәсіпорындар мен қызметкерлер де тексеріледі.
Естеріңізге сала кетейік, бұған дейін облыс орталығында бірнеше рет автобустардың қатысуымен жол-көлік оқиғалары орын алған болатын.
Оқи отырыңыз
