Шығыс өңірінде 6-7 желтоқсанда күн күрт суытады.

Облыстық төтенше жағдайлар департаменті ескерту жариялады, деп хабарлайды  Altaynews.kz тілшісі.

6 желтоқсанда қарлы бұрқасын, көктайғақ болады деп болжанды. Облыс орталығында жел екпіні секундына 15-20 метрге, кейбір аудандарда секундына 30 метрге жетеді.

Екі күн қатарынан ауа температурасы төмендейді. Сынап бағанасы өңірдің солтүстігінде минус 10-15 градусқа дейін, батысында минус 18 градусқа дейін барады.