«Ауыл Аманаты»: ШҚО-ға 7 млрд теңге бөлінеді
Ауыл тұрғындарының табысын арттыру мақсатанды жүзеге асырылып келе жатқан «Ауыл Аманаты» бағдарламасының тиімді тұсы көп. Өткен жылы бұл жобаға 1,5 млрд теңге бөлініп 94 жоба жүзеге асқан.
Ал билы ««Ауыл Аманаты» бағдарламасына 7 млрд теңге бөлінеді, деп хабарлайды Altainews.kz тілшісі.
Бұл бағдарламаның мақсаты – ауыл тұрғындарының табысын арттыру. Осы бағдарлама аясында ауыл тұрғындары өз бизнесін дамытуға немесе кооператив құрамында жеңілдетілген несие ала алады.
– Биылғы жылы «Ауыл Аманаты» бағдарламасы бойынша Шығыс Қазақстан облысына 7 039 млн тенге бөлінеді. Бұл қаражатқа 1250 несие беру жоспарланып отыр. Өткен 2023 жылдың аяғында облыс бойынша скрининг (талдау) өткізілді. Енді осы скринингтің нәтиежісі бойынша әр ауданның мамандануы (специализациясы) анықталып 109 ауылдық округ «Ауыл Аманаты» бағдарламасына тартылады. Яғни, 3475 жаңа жұмыс орнын құру, 80 ауыл шаруашылық кооперативін ашу күтілуде, – деді ШҚО ауыл шаруашылығы басқармасы басшысының міндетін атқарушы Ажар Елемесқызы.
Несие алу шартты да тиімді, себебі ондағы пайыздық мөлшері өте төмен. Несиенің мерзімі 5 жыл, ал мал шаруашылық саласында болса 7 жылға дейін. Номиналдық сыйақы мөлшерлемесі – 2,5%.
Оқи отырыңыз
