Қазақстанда өтетін көшпенділер ойындарына 170 күн қалды
t.me/mazhilis_kz
Кеше елордада V Дүниежүзілік көшпенділер ойындарының басталуына қанша күн қалғанын көрсетіп тұратын кері санақ тақтасы іске қосылды, деп хабарлайды Altainews.kz тілшісі.
Жиынға Дүниежүзілік этноспорт конфедерациясының президенті Біләл Ердоған, Туризм және спорт министрі Ермек Маржықбаев, Астана қаласының әкімі Жеңіс Қасымбек, Ұлттық спорт қауымдастығының президенті Исламбек Салжанов қатысты.
– Осы дүбірлі жарысты Қазақстанда абыроймен өткізу – баршамыз үшін үлкен мәртебе, зор жауапкершілік. Мемлекет басшысы бұл доданы жоғары деңгейде ұйымдастыруды тапсырды. Біз Көшпенділер ойынын сән-салтанатымен лайықты деңгейде өткіземіз деп зор сеніммен айта аламын. Бұл сайыс бауырлас түркі халықтары арасындағы өзара ынтымақтастық пен мәдени қарым-қатынасты арттыруға тың серпін береді. Елдеріміздің арасындағы рухани байланысты одан әрі нығайта түседі деп сенемін, – деді Мәжіліс төрағасы Ерлан Қошанов.
Қазақстанда өтетін Көшпенділер ойынына әлемнің 100 елінен өкілдер қатысады деп күтіліп отыр. Қазірдің өзінде 60 елдің келісімі бар. Спорттың 20 түрінен 4 мыңға жуық қатысушы сынға түседі. Ұлы Дала төсін дүбірге бөлейтін мереке бір аптаға созылады.
Оқи отырыңыз
Биыл Астанада Дүниежүзілік көшпенділер ойындары өтедіКөшпенділер ойындарындағы спорттық сайыстардың түрі бекітілдіV Дүниежүзілік көшпенділер ойындарына 107 мемлекет қатысуға ниеттіҚазақстанда 5-ші Дүниежүзілік көшпенділер ойындарының тизері жарияландыАрқан тартыстан ШҚО құрамасы бас жүлдеге ие болды
