Алтайдың «Кербұғысы» атанған жазушы Оралхан Бөкейдің шығармаларын қалың оқырман электронды кітапханадан оқып жүр, деп хабарлайды Алтайньюс тілшісі.

Оралхан Бөкейдің атындағы жалғыз кітапхана жазушының бүкіл шығармаларын топтастырып, Bokey. kz- электронды кітапханасына жүктеді.

-        Электронды кітапхананың ерекшелігі – Оралхан кітаптарын қазақ, ағылшын, қырғыз, парсы, болгар, эстон, словак, орыс тілдерінде бүкіл әлем оқырмандары виртуалды оқи алады. Электронды кітапхана екі тілде, яғни қазақ және орыс тілдерінде құрылған, - деп түсіндірді кітапхана қызметкерлері.

Виртуалды кітапханаға жазушының шығармаларымен бірге, ата-тек тарихы, өмірбаяны, мұрағат қорында сақталған деректер, қолтаңбалары мен қолжазбалары, күнделік жазбалары,  фотосуреттері жинақталған. Сонымен қатар, жазушының замандастары мен қаламдастарының Оралхан туралы естеліктері де осында.