Астана 2025 жылдың 25 қаңтарында әлемдік жеңіл атлетиканың басты назарында болады. Қалада Азия құрлығындағы жалғыз алтын деңгейлі турнир – Astana Indoor Meet for Amin Tuyakov Prizes өтеді. Бұл жарыс World Athletics Indoor Tour Gold 2025 сериясын ашып, жеңіл атлетика жанкүйерлері үшін ауқымды спорт мерекесі болмақ.

Дүбірлі додада әлемдік деңгейдегі үздік спортшылар өнер көрсетеді деп күтілуде. Турнир жеңіл атлетиканың жоғары стандарттарына сай ұйымдастырылып, Азия мен әлем елдерінен келген спортшылардың жарыс алаңы болады.

Барша спорт сүйер қауымды «Qazaqstan» жеңіл атлетикалық спорт кешеніне шақырамыз. Спорт кешені Астана қаласындағы Тұран даңғылы, 59 мекенжайында орналасқан.