Будва қаласында өтіп жатқан жастар арасындағы бокстан әлем чемпионатында қазақстандық жас боксшы Төрехан Сабырхан тамаша нәтижеге қол жеткізіп, медаль алуға кепілдік жасады. Ол Өзбекстандық Ақбар Ахмадовты айқын басымдықпен жеңіп, келесі кезеңге өтті, деп хабарлайды Altainews.kz тілшісі Sportlinet.kz порталына сілтеме жасап.

Төрехан жастар мен жасөспірімдер арасында төрт дүркін Азия чемпионы атанған. Оның қарсыласы – 2023 жылғы әлем чемпионатының қола жүлдегері Ақбар Ахмадов. Кездесу нәтижесінде төрешілер бірауыздан шешім қабылдап, есепті 5:0 деп жариялады (sportlinet).

Қазақстандық жас боксшының жеңісі жанкүйерлер арасында үлкен қуаныш тудырды. Енді оның алдағы қарсыластары да мықты болары анық. Жеңісті сәттермен алда да қуанта береді деп үміттенеміз.