ШҚО сыбайлас жемқорлыққа қарсы қызметінде діни бірлестіктердің өкілдері үшін «Ашық есік күні» акциясы ұйымдастырылды.

Шара сыбайлас жемқорлыққа қарсы қызметтің міндетін жеткізу және департаменттің қызметін түсіндіруге бағытталған, деп хабарлайды Altaynews тілшісі.

Сонымен қатар сыбайлас жемқорлыққа қарсы мәдениетті қалыптастыруға дін өкілдерін тарту және «Сыбайлас жемқорлыққа қарсы волонтерлік» жобасын таныстыру көзделген.

Жиын барысында ШҚО сыбайлас жемқорлыққа қарсы қызметі превенция басқармасының басшысы Архат Бейсембаев діни бірлестіктердің өкілдеріне департаменттің құрылымын және қызметінің негізгі бағыттарын түсіндіріп, сыбайлас жемқорлықты жою бойынша аймақта іске асырылып жатқан жобалар туралы айтты.

Қатысушыларға «Сыбайлас жемқорлыққа қарсы волонтерлік» жобасы таныстырылды. Жоба осы салаға бейжай қарамайтын азаматтарды, қоғамдық бірлестіктер, бизнес субъектілері, квазимемлекеттік секторлар және өзге де ұйымдардың өкілдерін ерікті ретінде сыбайлас жемқорлыққа қарсы қызметке тарту мақсатында ойластырылған.

Діни бірлестіктердің өкілдері «Сыбайлас жемқорлыққа қарсы волонтерлік» жобасын қолдап, еріктілер қатарына қосылуға ниет білдірді.